Оралда екі базар жабылды

Оралда екі базар жабылады. Өйткені бірінің қызметі заманауи талапқа сай келмейді. Ал екіншісінің жері сатылып, жаңа жылдан бастап жұмысын тоқтатады. Қазір қаладағы 14 базар қайта жаңғыртудан өтіп жатыр. Яғни сырттағы темір контейнерлердегі жабайы сауда орындары замануи ғимаратқа көшірілуі керек. Сауда орындарында сатушыға да, тұтынушыға да барлық жағдай жасалуы тиіс. Шаһардағы «Айгүл» мен «Өнім» базарларын жаңғырту кестеден кешігіп жатыр. Ал төрт базарда жаңа ғимараттар салынып, құрылысы жалғасуда.

Модернизацияның ең бірінші талабы – сыртта ашық аспан астында сауда қатарларында жүргізілген қызмет дұрыс емес. Сауда кәдімгі үлкен ғимараттарда өткізілуі керек. Қазір «модернизацияны өткізбеймін» деп отырған «Тұлпар» базары. Ал «Мерей» базарының иесі оны сатып жатыр. Бұл тек жыл аяғына дейін жұмыс істейді.