Астанада үш жастағы қыздың өліміне қатысты сот жалғасып жатыр

Астанада үш жастағы қыздың стоматологиядағы өліміне қатысты сот процесі жалғасып жатыр. Бүгін жарыссөз басталар алдында айыпталушы тараптың адвокаты судьяны ауыстыруды сұрады. Айтуынша, істі қарап жатқан судья процесте бейтараптық танытпаған. Айыпталушы анестезиолог өз қорғаушысының ұстанымын қолдады. Ал прокурор шағымды негізсіз деп санап, нақты дәлел келтірілмегенін айтты. Өтініш қанағаттандырылмады. Тараптар жарыссөзге көшеді.

Еске салсақ, қайғылы оқиға 2024 жылдың 30 қазанында болған. Үш жастағы қыз жекеменшік тіс емханасында тіс емдету кезінде наркоздан оянбай қалған. Дәрігер бір мезетте 18 тісті емдеуге шешім қабылдаған.