Үндістандағы лас ауадан Тәж-Маһал көрінбей қалды

Үндістанда ауаның ластанғаны сонша, әйгілі Тәж-Маһал мавзолейі түтіннен мүлде көрінбей қалған. Әлемнің жеті кереметінің бірі осы елдің солтүстігіндегі Агра қаласындағы қоқыс жайлаған өзен бойында орналасқан және оны өндірістік шаң-тозаң да жиі басады.

Аймақта ауа сапасы өткен аптаның соңында нашарлады. Жергілікті үкіметтің мәлімдеуінше, ластану индексі 189-ға жеткен. Ал ғалымдардың есебінше, 50-ден төменгі индекс қана денсаулық үшін жақсы деңгей саналады.