Басты Жаңалықтар «Таза Маңғыстау» экочелленджі қорытындыланды

«Таза Маңғыстау» экочелленджі қорытындыланды

18.12.2025 17:37

Маңғыстауда «Таза Маңғыстау» атты 45 күндік әлеуметтік-экологиялық челленджіне атсалысқан тұрғындар мен ұжымдар марапатталды. Шара Мемлекет басшысының «Таза Қазақстан» жалпыұлттық экологиялық акциясы аясында ұйымдастырылып, 2 мыңға жуық тұрғын атсалысты. Экологиялық челенджде тұрғындар мен еңбек ұжымдары ағаш отырғызып, айналаны тазалады, қалдықтарды сұрыптап 45 күн бойы белсенділік танытты. Сондай-ақ олар жұмыстарын күнделікті әлеуметтік желілерде жариялап отырды. Акцияға облыс бойынша 77 команда, 2 мыңға жуық адам қатысты.

Нұрдәулет Қилыбай, Маңғыстау облысының әкімі:

Бұл расында да Қасым Жомарт Кемелұлы Тоқаевтың инициативасымен басталған «Таза Қазақстан» деген үлкен науқан, үлкен мәдениеттің бастамасы. Бір қуантатаны әр саладан оқушылар болсын, студенттер болсын, жұмысшылар болсын әр саладан осыған белсенді түрде қатысты.

Салтанатты шарада экологиялық акцияға белсенді қатысқандар мен «Үздік аула», «Үздік бизнес-аумақ», «Үздік кіреберіс», «Үздік аула сыпырушы» байқауларының жеңімпаздары марапатталды.

Кирилл Осин, «Эко Маңғыстау» ҮЕҰ директоры:

Жекелеген тұрғындар арасынан 3 адам жеңімпаз атанып, бірінші орынған 1 млн теңгенің сертификаты берілді. Ал үздік ұжым 2,5 млн теңге ұтты. Сонымен қатар, үздік аула сыпырушы 4 адамға қаржылай сыйлық табыстадық. Су мен электр энергияны үнемдеудің жолдарын көрсетіп, атсалысқан тұрғындар да назардан тыс қалмады.

Облыста «Таза Қазақстан» экологиялық акциясы аясында жыл басынан бері 31 мыңға жуық ағаш отырғызылып, 39 мың тонна қоқыс шығарылған. Бұл жұмыстарға 130 мыңнан астам адам атсалысты.

Автор

Аягөз Оралбайқызы

Бөлісу