Мемлекет басшысы Sumitomo компаниясының президентін қабылдады

Жапонияның Sumitomo және «Қазатомөнеркәсіп» ұлттық компаниялары бірлескен жоба әзірлеп жатыр. Нақтырақ айтсақ, ядролық медицина саласында уран өнімдерінен ем-шараға қолдануға арналған радий изотоптар алудың ғылыми-негіздемелік әдістері дайындалуда. Бұл туралы Мемлекет басшысымен кездескен Sumitomo компаниясының президенті Шинго Уэнон айтты. Президент еліміз Sumitomo корпорациясының орнықты даму мен бизнестің жауапкершілігін арттыруға бейілдігін жоғары бағалайтынын, сондай-ақ компанияны ұзақ мерзімді серіктес ретінде қарастыратынын атап өтті. Кездесуде көлік-логистика, энергетика, атом өнеркәсібі, металлургия және геологиялық барлау салаларында бірлескен инвестициялық бастамаларды жүзеге асыру перспективасы талқыланды.