Павлодар облысына ₸1 трлн инвестиция тартылған

Биыл Павлодар облысына 1 трлн теңгеден астам инвестиция тартылды. Бұл – былтырмен салыстырғанда 1,5 есе көп. Осы нәтижемен өңір ел бойынша инвестиция тарту жағынан 2-орынға шықты. Бұл туралы Павлодар облысының әкімі Асайын Байханов Орталық коммуникациялар қызметінде өткен  брифингте мәлім етті.

11 айдың нәтижелері тұрақты өсімге ие. Өңірге 1 трлн-нан астам инвестиция тарттық. Тартылған инвестициялық қаражаттың 80% пайыздан астамы жеке сектордыкі.

Қазір өңірде 102 инвестициялық жоба жүзеге асырылып жатыр. Жалпы құны 7,3 триллион теңге. Нәтижесінде 15 мыңнан астам жаңа жұмыс орны ашылмақ. Облыс орталығында алғашқы заманауи қоқыс сұрыптау кешені бой көтеруде. Мұнда пластик, металл, қағаз және шыны қайта өңделеді. Жобаның жалпы инвестициясы 4.8 млрд теңге, қуаты 150 мың тонна. Бұл кешенді келесі жылдың мамырында іске қосу көзделген.