ҚХА елордалық ерекше балаларды қуантты

Елордалық ерекше балалар қуанышқа кенелді. Қалалық Қазақстан халқы  Ассамблеясы мен «Мүгедек балалар қоғамы» қоғамдық бірлестігі жаңажылдық қайырымдылық шыршасын өткізді. Шара желтоқсанның соңына дейін жалғасады. Жоспар бойынша 400 бала қамтылмақ. Ұйымдастырушылар алдын ала балаларға «Аяз атаға» хат жаздырып, олардың тілегін білген. Соның негізінде демеушілер балдырғандардың шағын арманын орындапты. Ертеңгілікке келген кішкентай қонақтарға сахналық қойылым көрсетіліп, Аяз ата-Ақшақармен қызықты ойындар ұйымдастырды. Ал шараға келе алмайтын балаларға инватакси қызметі арқылы сыйлықтары жеткізіледі.

Наргизам Махмудова, қалалық ҚХА төрайымының орынбасары:

Бұл жерде тек достық мақсатында Қазақстан ғана емес, сонымен қатар алыс-жақын мемлекеттерде тұратын, сол жақта қызмет етіп жатқан, сол жақта оқып жатқан кейбір жерлестеріміз де өздерінің сыйлықтарын жіберді. Әрине, мұның арқасында қаншама адамның еңбегі жатыр. Бәрінің арманы, ойы – кішкене болса да бір баланы қуанту.