Ресей мен АҚШ арасында Украина соғысын тоқтатуға қатысты келіссөз өтті

Майамиде АҚШ пен Ресей делегаттары кездесіп, Украинадағы соғысты тоқтату мәселелерін талқылады. Жиын екі күнге созылған. АҚШ президентінің арнайы өкілі Стив Уиткоффтың мәлімдеуінше, келіссөз нәтижелі және конструктивті өткен. Уиткофф Ресей бұрынғысынша Украинада бейбітшілікке қол жеткізуге ниетті екенін айтты. Америкалық және ресейлік тараптың ешқайсысы да келіссөздің мән-жайына тоқталмады. Мұның алдында Майамиде АҚШ пен Украина делегаттары кездескен еді. Сол кезде де Уиткофф Киев бейбітшілікке жетуді көздейді деп мәлімдеген еді.