Алматыда студент мұғалімге пышақ кезенген

Алматыдағы университеттердің бірінде студент мұғалімге пышақ кезенген. Куәгерлердің сөзінше, қастандыққа студенттің жазғы маусымға қалдырылуы себеп болуы мүмкін.
Күдікті ізін суытпай ұсталып, уақытша ұстау изоляторына қамалды. Оқытушының жағдайы қанағаттанарлық.
Жәбірленуші ауруханаға жеткізіліп, медициналық тексерістерден өтті. Дәрігерлердің айтуынша, өміріне айтарлықтай қауіп жоқ. Қалалық Полиция департаменті оқиға бойынша қылмыстық іс қозғалғанын хабарлады.
Салтанат Әзірбек, қалалық ПД ресми өкілі:

Аталмыш дерек бойынша Алмалы аудандық Полиция басқармасымен қылмыстық іс қозғалды. Күдікті ізін суытпай жатып ұсталып, қазіргі таңда уақытша ұстау изоляторына қамалды, оқиғаның басқа да мән-жайлары анықталуда.