ТМД саммиті аясында президенттер Эрмитаж музейін аралады

Қасым-Жомарт Тоқаев ТМД-ның бейресми саммитіне келген өзге мемлекет басшыларымен бірге Санкт-Петербургтегі Эрмитаж музейін аралады. Қонақтарға арнайы экскурсия жүргізілді. Мәртебелі меймандар Александр және XVIII ғасырдағы Франция өнері залдарында орналасқан танымал көрмелерді тамашалады. Әсіресе «Алтын көмбе» бірегей коллекциясындағы бағалы металдардан құйылған археологиялық жәдігерлер, тарихи Пикет және Герб залдарының интерьері ерекше әсер қалдырғаны анық. Президенттер тарихи қоры бай, әлемге мәшһүр мұражайдың басқа да экспозицияларымен танысты.