Ақтауға ұшақ апатында қаза тапқандардың туыстары келді

Ақтауға ұшақ апатында қаза тапқан экипаж мүшелерінің туыстары келді. Олардың арасында Әзербайжанның ұлттық батырлары Хокума Әлиева, Игорь Кшнякин және Александр Кальяниновтың туыстары, сондай-ақ қаза тапқан бірнеше жолаушының отбасы мүшелері бар. Олар қайғылы оқиғаның бір жылдығына орай, зардап шеккендерді еске алып, оқиға орнындағы ескерткішке гүл қойды. Сапарды Әзербайжанның Қазақстандағы консулдығы мен AZAL әуекомпаниясы ұйымдастырған.

Еске салайық, былтыр 25 желтоқсанда Ақтау әуежайынан үш шақырым жерде әзербайжандық AZAL әуекомпаниясының Embraer ұшағы апатқа ұшыраған болатын. Баку-Грозный бағыты бойынша ұшып бара жатқан ұшақта 62 жолаушы мен 5 экипаж мүшесі болған. Апаттан 38 адам қаза тапты.