Президент Tausogar зауытына барды

Бүгін Мемлекет басшысы Астанадағы индустриалдық паркте орналасқан Tausogar зауытына барды. Кәсіпорын құрылыс саласын заманауи жүк көтергіш машиналармен және механизмдермен қамтамасыз етеді. Жылына 200 лифт, 70 эскалатор және 70 мұнара кранын шығара алады. Қазір мұнда жоғары білікті 44 маман еңбек етеді. Мемлекет басшысы еңбек ұжымымен әңгімелесу барысында кәсіпорынның ел инфрақұрылымын дамытуға қосқан үлесін атап өтіп, оның алдағы уақытта бәсекеге қабілеттілігі арта түсетініне сенім білдірді.