Президенттік оркестр плац-концерт ұйымдастырды

Елордада Бауыржан Момышұлының 115 жылдық мерейтойына орай Мемлекеттік күзет қызметі Президенттік оркестрі арнайы плац-концерт ұйымдастырды. Бұл шара елдің өткені мен бүгінінің үзілмес байланысын көрсетуге арналған. Бірқатар патриорттық әндер айтылды. Президенттік үрмелі оркестрдің сүйемелдеуімен арнайы мақсаттағы бөлімшелер қарумен қойылым қойды.

Дархан Рақымғалиев, ҚР Мемлекеттік күзет қызметі президенттік оркестрінің бастығы:

Плац-концертті 10 күннен бері осы құрмет қарауылмен, арнайы жасақпен дайындап жатырмыз. Астананың суығына қарамастан осындай жерде өнер көрсету оркест үшін оңай емес. Дегенмен де әскери адам болғасын тәртіп болу керек.