Елімізде қолма-қол төлемнің үлесі көбейді

Елімізде қолма-қол ақшамен есеп айырысатындардың үлесі артқан. Былтыр тұрғындардың 25 пайызы ғана қолма-қол төлем жасаса, биыл бұл көрсеткіш 38 пайызға жуық. Бұл туралы FinGramota медиа порталы жасаған сауалнамада белгілі болды. Сондай-ақ тұрғындар ақша жинауға да ден қоя бастаған. Пікір білдіргендердің 36 пайыздан астамы барлық шығынын өтегеннен кейін қаржы жинайтынын айтқан. Ал 19,8 пайызы мүлде ақша жинамайды. Дегенмен сарапшылар биыл тұрғындардың қаржылық тұрғыда сауаты біраз артты деп отыр.