Ауа райының қолайсыздығына байланысты ескерту жарияланды

Елдің 17 аймағында ауа райы қолайсыз болады. «Қазгидромет» өкілдерінің ақпаратынша, Абай, Шығыс Қазақстан және Алматы облыстарында екпінді жел соғады. Секундына 15-20 метр, кей жерлерде 28 метрге дейін жетеді. Ал, Астана қаласы мен солтүстікте, орталық пен шығыста қар жауып, боран соғады. Оңтүстік пен оңтүстік-шығыста, батыстың кей облыстарында тұман түседі. Синоптиктердің болжамынша, батыстағы өңірлерде көктайғақ болады.