Президент Тараздағы аритмология клиникасының жұмысымен танысты

Мемлекет басшысы Тараздағы аритмология клиникасының жұмысымен танысты. Өңірдегі бірегей орталық жүректі радиожиілік және криоаблация тәсілдерімен емдейді. Науқасқа кардиологиялық және кардиохирургиялық жәрдем, соның ішінде жоғары технология арқылы көмектің толық спектрін көрсетеді. Орталық бір ауысымда 150 адамға дейін қабылдай алады. Сондай-ақ мұнда 47 орындық стационар бар. Жалпы жүрек соғысының бұзылуын жедел емдеуге маманданған клиникаға құйылған инвестиция көлемі 2,5 миллиард теңге.