Ұлттық қауіпсіздік комитетіне жаңа өкілеттілік берілді

Ұлттық қауіпсіздік комитетіне жаңа өкілеттілік берілді. Президент Қасым-Жомарт Тоқаев мемлекеттік басқаруды жетілдіру туралы Жарлыққа қол қойды.

Құжатқа сай, Ұлттық қауіпсіздік комитетіне Жасанды интеллект және цифрлық даму министрлігінің ақпараттық-коммуникациялық инфрақұрылымның аса маңызды объектілерінің ақпараттық қауіпсіздігі бөлігінде ақпараттандыру саласындағы мемлекеттік бақылауды жүзеге асыру жөніндегі функциялары мен өкілеттіктері берілді. Бұдан бөлек, министрліктің осы бағыттағы құқықтары мен міндеттерінің құқықтық мирасқоры болады. Үкіметке қажетті заңнамалық өзгерістерді әзірлеу тапсырылды, ал Жарлықтың орындалуын Президент Әкімшілігі бақылайды. Жарлық қол қойылған күннен бастап күшіне енді.