Жер қойнауын барлау және пайдалану жұмыстарына инвестиция тарту жеңілдеді

Елімізде жер қойнауын барлау және пайдалану жұмыстарына инвестиция тарту жеңілдеді. Президент кодекске енгізілген өзгертулер мен толықтыруларға қол қойды. Құжатқа сәйкес салада жұмыс істейтін кәсіпкерлер үшін әкімшілік кедергілер едәуір азайған. Кодексті толық зерттеген мамандар осындай пікірлерімен бөлісті. Сондай-ақ, өзгерістерге сәйкес барлау және өндіру жұмыстарымен айналысатындар арасында бәсекелестік артады. Бұл жұмыстардың жылдам әрі сапалы орындалуына жол ашпақ.
Бахтияр Зкрия, ҚР Энергетика министрлігі жер қойнауын пайдалану департаментінің директоры:

Бастысы аз зерттелген аумақтарда барлау және өндіру бойынша жаңа үлгілік келісімшартты енгізу. Бұл бастама аумақтардың зерттелу деңгейін арттыруға бағытталған. Сондай-ақ, 2025 жылғы 1 қаңтарға дейін жасалған барлық лицензиялар осы тәртіпке еркін көше алады.