Түркістан облысының ТЖМ қызметкерлеріне жаңа көліктер берілді

Жаңа жыл қарсаңында Түркістан облысының Төтенше жағдайлар департаменті қызметкерлеріне жаңа көліктер берілді. Жаңа техникалар жолсыз және таулы жерлерде жедел жұмыс істеуге арналған. Әрі бұл көліктер арқылы құтқарушылар шалғайдағы аудан мен ауылдарға жылдам баруға, барлау жүргізуге және төтенше жағдайлардың салдарын жою кезінде қажетті жабдықты жеткізуге мүмкіндік береді. Салтанатты шараға қатысқан Төтенше жағдайлар Вице-Министрі Генерал-Майор Кеген Тұрсынбаев жаңа техникалардың алдағы уақытта құтқарушылардың халық игілігі үшін сапалы әрі үздіксіз қызмет көрсететінін жеткізді. Авариялық құтқару автокөлігі, толықтай заманауи құтқару құралдарымен жабдықталған.
Кеген Тұрсынбаев,  ҚР Төтенше жағдайлар вице-министрі, генерал-майор:

Біріншіден, сол құтқару жұмыстарын біздің осы Түркістан облысының тұрғындарының өмірлерін сақтау үшін, уақытында төтенше жағдай болып жатқан жерге жету үшін жол талғамайтын, тез жүретін техника керек болатын. Соны алып бүгін Түркістан облысының департаментіне бүгін тапсырдық.