СҚО-дағы барлық ауданда креатив орталықтар ашылады

Солтүстік Қазақстан облысының барлық ауданында креатив орталықтар ашылады. Алғашқылардың қатарында Есіл ауданының Явленка ауылында жаңа нысанның тұсауы кесілді. Сенат депутаты Әсем Рахметова орталықтың жұмысымен танысты. Ғимарат ұлттық стильде безендірілген. Коворкинг, робототехника, дрон, жасанды интеллектіні меңгеру, стартап жобаларды дамыту алаңы мен медиастудия бар. Кабинеттер заманауи жабдықтармен қамтылған. Сонымен қатар сенатор әлеуметтік сала мамандарымен кездесіп, 2025  жылы атқарылған жұмыстар жайын баяндады. Тұрғындардан түйткілді мәселелер жайында сұрап, ұсыныстарын тыңдады.

Әсем Рахметова, ҚР Парламенті Сенатының депутаты:

Мемлекет басшысының тапсырмасымен кретивті индустрияны дамытуға тапсырма берілген болатын. Бұл бағытта қазір заңнамалық тұрғыда, өзге де тұрғыда жұмыстар атқарылып жатыр. СҚО-да креативті орталық өткен жылы ашылып, көзге түскен орталықтардың бірі болатын. Енді сонымен облыс тоқтап қалмай, аудандарға барып жатыр.