Қызылорда облысында жыл үздіктері марапатталды

Қызылорда облысында жыл үздіктері марапатталды. Салтанатты шарада әр салада қажырлы еңбек етіп жүрген мамандар құрметке бөленіп, мемлекеттік наградалар табысталды. Сыр өңірі үшін биыл толағай табысты жыл болды. Аймақта ірі өндіріс орындары ашылып, жаңа әлеуметтік нысандар көбейді. Жергілікті диқандар 500 мың тонна күрішті қамбаға құйып, ел ырысы артты. Ал қызылордалық спортшылар әлемдік байрақты бәсекелерге топжарып, ел абыройын асқақтатты. Білім саласында озат шәкірт тәрбиелеген педагогтар республикада үздік атанды.  

Айман Абасилова, облыстың үздік педагогы:

Өте қуаныштымын. Облыстың «Үздік педагогы» атану үшін қаншама еңбек ету керек. Оқушыларымды олимпиадаға, ғылыми жобаларға дайындап, соның нәтижесін көріп келемін.