Қарағанды облысында 2 мыңға жуық автокөлік жолда қалды

Қарағанды облысында көктайғақтың кесірінен 2 мыңға жуық автокөлік жолда қалды. Республикалық маңызы бар 8, облыстық маңызы бар 3 жол учаскесі толықтай жабық. Полиция қызметкерлерінің көмегімен Теміртау қаласына 500, Ақмола облысының шекарасына дейін 1200-ден астам көлік жетті. Бүгінде 80 экипаж пен 160 полиция қызметкері қызмет етіп жүр. Себебі, барлық жол қозғалысына шектеу енгізілген. Көктайғақтан бөлек, енді жолды қалың тұман басқан. Сондықтан құтқарушылар жолда барынша абай болып, жол ережесін қатаң сақтауға шақырады.