Президенттің көлемді сұхбаты жарық көрді

Қазақстан жаңғырудың жаңа кезеңіне қадам басты. Мемлекет басшысы Қасым-Жомарт Тоқаев «Turkistan» газетіне көлемді сұхбат берді. Мерзімді басылымда жарияланған сұхбатында Президент алдымен өткен жылды екшеп, нәтижелерді жеткізген. Мәселен, ел экономикасында елеулі оң өзгеріс байқалды. Жалпы ішкі өнім көлемі 300 млрд долларға жетті. Бірақ «тоқмейілсейтін уақыт емес, елде инфляция деңгейі жоғары», - деді Президент. Мемлекет басшысы елде болған және болатын өзекті өзгерістерге де тоқталған. Мәселен, салық кодексі, бюджет қаражатын тиімді игеру, инфрақұрылымды жаңарту, көлік-логистика, ауыл шаруашылығы, туризм, әлеуметтік теңсіздік мәселелері тереңінен қамтылған.