Қостанай облысында жол апатынан 60 адам көз жұмған

Былтыр Қостанай облысында жол апатынан 60 адам көз жұмды. Көрсеткіш алдыңғы жылмен салыстырғанда екі есе артқан. Оқыс оқиғаның көбі трассаларда болған. Мамандардың айтуынша, қайғылы жағдайға көбіне жүргізушілердің қарапайым жол ережесін сақтамауы себеп. Ел Президенті Қасым-Жомарт Тоқаев «Turkistan» газетіне берген сұқбатында да осы мәселеге ерекше тоқталған еді. Ол алдымен қоғам жауапкершілік сезінбесе, қолданылған шаралардың еш нәтиже бермейтінін, сондай-ақ саладағы қауіпсіздікті арттыру үшін жаңа технологияларды кеңінен енгізу керектігін айтты.

Махаббат Құсайынова, Қостанай облысы ПД Әкімшілік полиция басқармасның аға инспекторы:

ЖКО негізгі себептері жүргізушілердің жол жүру ережелерін елемеуі болып табылады. Мас күйінде көлік басқарғаны үшін 1522 жүргізуші ұсталды. Санкция баламасыз және 7 жыл мерзімінде басқару құқығынан айыру түрінде жазаға әкеп соғады. Жол қозғалыс ережелерін сақтау мақсатында ауқымды цифрландыру жұмыстары жүріп жатыр.