Із-түзсіз жоғалған 20 мың адам табылды

Із-түзсіз жоғалған 20 мың адам табылды. Ішкі істер министрлігінің мәліметінше, отбасымен қауышқандардың 6 мыңнан астамы – бала. Бұл – жедел-іздестіру қызметінің бір жыл ішінде атқарған тынымсыз еңбегінің нәтижесі. Олар азаматтың хабар-ошарсыз кеткенін білгеннен кейін бірден жұмысқа кіріседі. Бейнекамералар, әлеуметтік желі, банк картасындағы операциялар – бәрін қарап шығады. Тұрғын ұзақ уақыт табылмаса да, іздестіру жұмыстары тоқтамайды. Мұндай шешімді тек сот белгілі бір негіз болғанда ғана қабылдай алады.