Павлодарда «Қауіпсіз қала» жобасы нәтиже бере бастады

«Қауіпсіз қала» жобасы нәтиже бере бастады. Өткен жылы Павлодар қаласында бірден 3 мың бейнебақылау камерасы орнатылған. Бейнетіркеу жүйесінің тиімділігі сол, тәртіп бұзған адам жазадан құтыла алмайды. Қылмысты ашу дерегі екі есеге ұлғайып, 24 мыңннан астам құқық бұзушылық анықталды. Көбі қоғамдық орындардағы бұзақылық пен алкогольдік ішімдік ішуге қатысты. Осы камералар арқылы жедел басқару орталығы аса ауыр қылмыстарды да із суытпай әшкереледі.

Ғомар Шабиденов, ПД жедел басқару орталығы бастығының м.а.:

Бейнебақылау камераларының көмегімен 198 қылмыс ашылды. Сонымен қатар 24 мың 729 әкімшілік құқық бұзушылықтың жолы кесілді. Азаматтардан жиі түсетін шағымдар – отбасылық жанжалдар. Сағат 22:00-ден кейінгі тыныштықты бұзу.