Мәжіліс депутаттары Астанадағы ардагерлер госпиталіне барды

Мәжіліс депутаттары Астанадағы ардагерлер госпиталіне барды. Мұнда екінші дүниежүзілік соғыс ардагерлеріне, тыл еңбеккерлеріне және оларға теңестірілген азаматтар санатына ондаған жылдар бойы медициналық көмек көрсетіліп келеді. Бүгінде госпитальде 114 төсек-орын бар, оған екі соматикалық және оңалту бөлімшелері, күндізгі стационар, сондай-ақ консультативтік-диагностикалық орталық кіреді. Мекеме штатында 180 қызметкер бар. Олардың арасында геронтология және гериатрия бойынша дайындалған мамандар еңбек етеді. Мұнда соғыс  ардагерлерімен бірге, Ауған соғысына қатысқандар, Чернобль апаты мен Семей полигонынан зардап шеккендер тегін ем қабылдайды. Медициналық орталық жылына 5 мыңға жуық пациентке қызмет көрсетеді.

Мен қан тамырларын кеңейтетін, көктамырішілік алдым. Күнделікті келесің, уақытында кіресің. Күтім бар, қарым-қатынас бар. Мына жерде медбике көңіл сұрайды, мына жеріңіз ауыра ма, қалай деп.  

Байқағанымыз, мамандардың біліктілігі, әр адамға дұрыс диагноз қойып, қандай кемшіліктер бар екенін, соның бәрін айтып жатыр. Осындай ардагерлерге көбірек көңіл бөлуіміз керек.