Астанадағы қоқыс полигоны лық толған

Астанадағы тұрмыстық қатты қалдықтарға арналған полигон толып тұр. Сенімгерлік басқаруға берілген нысанда қоқыстың 2 пайызы ғана өңделеді. Күніне онда 1200 тонна қатты қалдықтар жеткізіледі. Парламент мәжілісінің депутаты Ажар Сағандықова мен экобелсенділер полигонда болып, жұмысымен танысты. Мамандар сөзінше, қазір қоқыс төгуге арналған екі аймақта та толған. Енді үшіншісін салу мәселесі пысықталып жатыр. Оған шамамен екі-үш жылдай уақыт қажет екен.

Ажар Сағындықова, Мәжіліс депутаты:

Тұрмыстық қатты қалдықтарды өңдеу еліміздегі ең өзекті мәселенің бірі.   Қазір полигондардың басым бөлігі тиісті талаптарға сәйкес келмейді. Сондықтан қоқысқа деген көзқарасты өзгертуіміз керек. Ең алдымен, оны сұрыптауға ден қою қажет. Әйтпесе, бұл мәселе одан сайын күрделене береді.