Бас прокуратура жаңа алаяқтық схема туралы ескертті

Бас прокуратура жаңа алаяқтық схема туралы ескертеді. GhostPairing деп аталатын тәсіл арқылы қаскөйлер WhatsApp паролін бұзбай-ақ аккаунтқа кіре алады. Оны жүзеге асыру үшін алаяқтар Facebook немесе WhatsApp желісі арқылы хабарлама жібереді. Ол хабарлама жалған парақшаларға бағыттайды. Растау үшін фейк-парақша телефон нөмірі мен растау кодын енгізуді ұсынады, осыдан кейін алаяқтар автоматты түрде өзгенің аккаунтына қосылып, WhatsApp-қа толық қол жеткізеді. Яғни хаттарыңызды оқып, суреттеріңізді көре алады. Ең қауіптісі – смартфон әдеттегідей жұмыс істеп тұрады, пайдаланушы ештеңені байқамайды дейді. Сондықтан прокуратура кез келген сілтемелерге өту қауіпті екенін ескертеді.