Reuters: АҚШ операциясынан 100 адам қаза тапқан

АҚШ-тың Венесуэлада қаңтардың 3-де жүргізген операциясынан 100 адам қаза тапты. Елдің ішкі істер министрі осылай деп мәлімдеді. Оның сөзін Рейтерс агенттігі мен CNN телеарнасы таратты. Министрдің айтуынша, қаза тапқандардың арасында қақтығысқа еш қатысы жоқ тұрғындар бар. Биліктен аластатылған президент Николас Мадуро мен оның әйелін ұстау операциясының алдында көлемді барлау жұмысы жүргізілген. Сол арқылы америкалық әскерилер Мадуроның күнделікті өмірін бақылаған. Мұны америкалық генерал Дэн Кейн айтты. Қазір Венесуэла президентінің міндетін вице-президент Делси Родригес атқарып жатыр.