Қазақстан Еуразияның көлік-логистика хабына айналады

Елімізде көлік-логистика саласын дамыту – стратегиялық міндет. Мемлекет басшысы өз сұхбатында Қазақстанды Еуразияның негізгі көлік айлағы ретінде қалыптастыруды басты бағыт деп атады. Елімізде 2030 жылға дейін 5 мың шақырым теміржол салынып, 11 мың шақырым теміржол желісі жөнделеді. Көлік-логистика тораптары жаңғыртылып, порттар, әуежайлар мен вокзалдар жаңартылады. Сондай-ақ тиімді цифрлық экожүйе қалыптастырылады. Экономист-сарапшы Мақсат Халық, бұл бастама еліміздің экономикалық әлеуетін күшейтетініне сенімді.

Мақсат Халық, экономист:

Бұл өңірде қалааралық байланыстарды күшейтеді. Неғұрлым бізде байланыс жақсарған сайын, соғұрлым тауардың айналым үдерістері де, жылдамдығы да артады. Және бұрын-соңды салынбаған жолдар жақындай түседі. Бұл да белгілі бір дәрежеде экономикалық-іскерлік белсенділіктің жандануына өзінің оң ықпалын тигізеді.