Атырауда бір отбасы жоғалып кетті: Күйеу баласы кісі өлтірді деген күдікке ілінді

Атырау облысы Қызылқоға ауданында ерлі-зайыптылардың өліміне қатысты марқұмдардың күйеу баласы күдікті ретінде іздестіріліп жатыр. Еске салсақ, Жангелдин ауылында бүтін бір отбасы із-түзсіз жоғалып кетіп, осыдан үш күн бұрын әйелі мен күйеуінің мүрдесі ауладағы сарайдан табылған еді. Қалған екі адам әлі хабар-ошарсыз. Сонымен қатар күдіктінің әйелі, яғни марқұмдардың үлкен қызы да жоғалғандардың қатарында. Қазір оларды іздестіру шаралары жалғасып жатыр.

Абай Жұмабаев, облыстық ПД криминалдық полиция басқармасы бастығының орынбасары:

Қылмысқа күдікті Атырау облысы Махамбет ауданының 29 жастағы тұрғыны. Сондай-ақ өзге де тұлғалардың қатыстылығы тексерілуде. Әлеуметтік желі қолданушыларын ақпаратты тек ресми дереккөздерден алуға және жалған мәлімет таратудан бас тартуға шақырамыз.