Жалған ақпарат таратқан хакерге қылмыстық іс қозғалды

Атырау облысында бір отбасының жоғалып кетуіне қатысты әлеуметтік желіде дүрбелең туғызған «хакерге» қылмыстық іс қозғалды. Ол күдіктінің сим картасы арқылы оның қайда жүргенін, және жоғалғандардың телефондары әр жерде қосылғаны туралы сайттарда ақпарат таратқан. Бірақ полиция департаментіндегілер оның бұл ақпараттарын жоққа шығарды. Жалған мәлімет таратқаны үшін заңнамаға сәйкес ол қылмыстық жауапкершілікке тартылады. Ол бұған дейін де алаяқтық фактісі бойынша 4 қылмыстық іс бойынша айыпталған. Хакерге іздеу жарияланды.