Иранда жаппай наразылық шерулер жалғасып жатыр

Ирандағы жаппай наразылық осымен екінші аптаға жалғасты. Шерулер кезінде интернет толықтай өшірілген. Экономикалық қиындықтан басталған толқулар саяси дағдарысқа ұласты. Наразылық инфляцияның шарықтауынан Тегерандағы саудагерлердің ереуілінен басталған. Ресми дерекке сай, азық-түлік бағасы бір жылда 72 пайызға дейін өскен. Ұлттық валюта риал рекордтық деңгейге дейін құлдырады. Батыс басылымдарының хабарлауынша, қақтығыстардан 45 адам мерт болып, 2 мыңнан астам адам ұсталған. Дағдарысты бәсеңдету үшін билік енді әр азаматқа ай сайын 7 доллар көлемінде төлем бермек.