ШҚО-да бастауыш сыныптар қашықтан оқып жатыр

Шығыста аяз қаһарына мінді. Өткен түнде аймақтағы бірқатар солтүстік ауданда термометр бағанасы -30-32 градусқа дейін төмендеді. Сондықтан бүгін Алтай, Қатонқарғай және Күршім аудандарындағы бастауыш сыныптар қашықтан оқып жатыр. Қатты аяздың салдарынан кеше сағат 20:00-ден бастап кейбір бағыттар бойынша дизельмен жүретін көліктерге шектеу енгізілді. Ауа райын болжау орталығы мамандары аймақта ертеңнен бастап күн қайтадан күрт жылынатынын хабарлады. Тіпті оңтүстік аудандарда +2 градусқа дейін көтеріледі. Сондықтан таулы өңірлерде қар көшкіні жүруі мүмкін. Бірақ келер аптада қайтадан қатты аяз түседі.