«Sarbaz+» пилоттық жобасы іске асырылып жатыр

Жас сарбаздар Отан алдындағы азаматтық борышын алаңсыз өтеу үшін әскерде темірдей тәртіп болуы қажет. Мұны Мемлекет басшысы сұхбатында айтты. Президент әсіресе әлімжеттікке, бұзақылыққа, рушылдыққа, жершілдікке жол жоқ екенін атап өтті. Армия жастарды еліміздің нағыз азаматы ретінде тәрбиелеп шығаруы керек. Бұл ретте командирлер оларға үлгі-өнеге болуы тиіс. Мемлекет тарапынан жастарды әскерге ынталандыру үшін біршама жеңілдіктер жасалған. Ал былтырдан бастап әуе қорғанысы күштерінің әскери бөлімінде сарбаздың жай-күйін бақылауға арналған пилоттық жоба іске асып жатыр.
Серғали Әлімқұлов, ҚР ҚМ Тәрбие және идеологиялық жұмыстар департаменті басқармасының бастығы:

Қазіргі кезде фитнес білезіктер арқылы олардың денсаулығы, қан қысымы, жүрек соғысы орталық компьютерде көрсетіліп отырады. Сарбаздардың таңертең ұйқыдан тұрғаннан кешкі ұйқыға жатқанға дейінгі бүкіл өмірі сол компьютерде қаралып отырады.