Ақмола облысында жалған нөмірмен жүрген жүргізушілер анықталды

«Жалған нөмір» жедел алдын алу іс-шарасы барысында ақмолалық полицейлер бір тәулікте 400-ден астам жол ережесін бұзғандарды анықтады. Оның ішінде оқылуы қиын мемлекеттік нөмірмен, жалған нөмір және тіпті нөмірсіз көлік тізгіндеген 45 жүргізуші жауапқа тартылды. Мәселен, 170 мың теңге айыппұл төлеуден жалтарған жүргізуші автокөлігіне жалған нөмір тағып алған. 22 жастағы жүргізушіні полиция ақылы жол терминалынан өткен кезде ұстаған.