Абай облысында «Табиғатты аялайық!» шарасы ұйымдастырылды

Абай облысы Үржар ауданында «Таза Қазақстан» акциясы аясында «Табиғатты аялайық!» атты экологиялық шара ұйымдастырылды. Оған мектеп оқушылары, мұғалімдер мен «Тарбағатай» ұлттық табиғи паркі қызметкерлері қатысты. Экобелсенділер аудан орталығындағы саябақтарға  арнайы дайындалған ұяшықтар орнатты. Қыста өңірді мекендейтін құстарға қамқор болып, өскелең ұрпақты табиғатты аялауға баулу аса  маңызды,  дейді мамандар.