Арнайы білім беру мекемелері көбейіп келеді

Елімізде арнайы білім беру мекемелері көбейіп келеді. Былтыр тағы 33 ұйым ашылып қазір жалпы саны 537-ге жетті. Олардың қатарында 48 арнайы балабақша, 99 арнайы мектеп, 126 психологиялық-медициналық-педагогикалық консультация, 238 психологиялық-педагогикалық түзету кабинеті, 12 аутизм орталығы және 14 оңалту орталығы бар. Ерекше білім беру қажеттілігі бар балаларды қолдау кабинеттерінің саны 1095-ке жетті. Жалпы мектептердің 95,2 пайызында ерекше балаларға қолайлы жағдай жасаған. Бүгінде Қазақстанда ерекше білім беру қажеттілігі бар 94 527 бала инклюзивті ортада білім алуда.