«Вашингтон пост» Маңғыстау жайлы мақала жариялады

Американың әйгілі «Вашингтон пост» газеті Маңғыстау жайлы көлемді мақала жариялады. Материал «Жібек жолының америкалықтарды жолықтырмаған айдай көрінісі» деп аталады. Авторы Дженнифер Мюллердің айтуынша, ол аралаған аңғар ежелгі заманда Тетис мұхитының табаны болған екен. Кейіннен мұнда жер қыртысы қозғалып, суы кері шегініп, алып тас мүсіндер қалыптасыпты. Тілшінің сөзінше, бұл өңірден миллиондаған жылдық тарихтың ізін әлі күнге дейін кездестіруге болады. Тағы бір сөзінде автор бұл жердің әлі де шетелдік туристердің, соның ішінде америкалықтардың назарынан тыс қалып келе жатқанын ерекше атап өткен.