Былтыр 40 мыңнан аса көлікке жалған нөмір тағылғаны анықталған

Елімізде екі күн аралығында 500-ден астам көлік жүргізушісі жалған мемлекеттік нөмір тағып жүргені анықталды. Полицейлер қазір осы бағытта жедел алдын алу шарасын жүргізіп жатыр. Ереже бұзған азаматтарға айыппұл салынып, сот шешімімен басқа да жаза қолданылып жатыр. Жүргізушілер көбіне ақылы жолдан өту, жылдамдықты асыру және жүк көлігіндегі салмақты көрсетпеу үшін жалған нөмірлерді қолданады. Былтыр тұтас ел бойынша 40 мыңнан аса осындай заң бұзу фактісі анықталған.

Нұрсұлтан Райымбаев, Бас көлік прокурорының аға көмекшісі:

Біздің мақсатымыз жол-көлік оқиғаларын болдырмау және алдағы жоспарда осы бағытты цифрландыру. Камералар цифрландырып, интгерациялап, күнделікті полицияларға түседі. Солар автоматты түрде шара қабылдайтын болады.