Еуроодақ Сирияға 722 млн доллар бөлмек

Еуроодақ Сирияға 722 млн доллар бөлмек. Сома елді соғыстан кейін қалпына келтіруге және гуманитарлық көмек жеткізуге бағытталады. Бұл жөнінде Еурокомиссия президенті Урсула фон дер Ляйен, Дамаскіге сапарында мәлімдеді. Былтыр Еуроодақ елдері 2011 жылы Сирияның бұрынғы басшыларына қарсы жарияланған экономикалық санкцияларды алып тастады. Енді тараптар жаңа саяси ынтымақтастық бағдарламасын іске қоспақ. Кездесу барысында Урсула фон дер Ляйен Алеппо қаласында үкімет күштері мен күрд жасақтары арасындағы қақтығыстың өршуіне алаңдаушылық білдірді. Соңғы мәліметтерге сай, тәртіпсіздіктер жайлаған қаладан 140 мың тұрғын үйлерін тастап кеткен.