Қостанай облысында қар құрсауынан 28 адам құтқарылды

Қостанай облысында көктайғаққа байланысты 5 өңірлік маңызы бар жолдар жабылды. Ал Лисаков қаласы маңында рейстік автобус қар құрсауында қалып, 28 адам құтқарылды. Олардың арасында 2 бала бар. «Шымкент – Ресей Федерациясы» бағытында келе жатқан қоғамдық көлік бұзылып, жолда тұрып қалған. Төтенше жағдай қызметкерлері жолаушыларды жақын маңдағы жылыту пунктіне жеткізді.