АИ-92 маркалы бензин бағасына енгізілген мораторий күшінде

Жанар-жағармай бағасы күрт өспейді. Энергетика министрлігі ел аумағында АИ-92 маркалы бензин бағасын көтеруге мораторийдің қолданыста екенін және бағаның өспейтінін хабарлады. Ал мораторий аяқталғаннан кейін нарықтық баға белгілеуге көшу біртіндеп жүзеге асырылады. Барлық шешім нақты экономикалық жағдай мен халықтың табыс деңгейін ескере отырып қабылданады. Тұтынушылар үшін бағаның күрт өсуіне жол берілмейді, деп жазылған ресми жауапта. Бұған дейін Премьер-министрдің орынбасары – Ұлттық экономика министрі Серік Жұманғарин аталған мораторий көктемге дейін жалғасатынын айтқан еді.