Президент Қорғаныс министрін қабылдады

Мемлекет басшысы әскери тәртіпті күшейтуді тапсырды. Президент қабылдауында болған Қорғаныс министрі Дәурен Қосанов армияның жауынгерлік әзірлігі және Қарулы күштерді дамытудың басымдықтары жөнінде мәлімет берді. Цифрлық технологияларды енгізу, әскери-патриоттық тәрбие жұмыстары, сондай-ақ қорғаныс инфрақұрылымын жетілдіру шаралары туралы да баяндады. Мемлекет басшысы министрге армияның жауынгерлік әзірлік деңгейін арттыру, әскери және құқықтық тәртіпті күшейту жөнінде нақты міндеттер жүктеді.