Азаматтық авиациядағы оқыс жағдайға қатысты тексеру басталды

10 қаңтар күні екі жолаушы ұшағы әуеде бір-біріне қатты жақындап, қауіп тудырды. Тенгриньюстің хабарлауынша, Uzbekistan Airways компаниясы мен «Победа» әуе компаниясының ұшақтары апаттық жағдайға тап бола жаздады. Дәл сол сәтте екі рейс те Шымкент аймақтық диспетчерлік орталығының бақылауында болған. Бір ұшақ – Внуково - Самарқанд, ал екіншісі – Термез - Мәскеу бағыты бойынша бет алған. «Бұл дерек қауіпті авиациялық оқиға ретінде тіркеліп, тексеру үшін уәкілетті органға тапсырылады», - деді Көлік министрлігі өкілдері.