Француз фермерлері көпірдің үстіне тонна картоп төкті

Француз фермерлері Парижге барып, көпірдің үстіне бірнеше тонна картоп төкті. Осылайша ауылшаруашылығы еңбеккерлері Еуропа одағы мен МЕРКОСУР ұйымы қаңтардың 9-да мақұлдаған сауда келісіміне наразылық білдіріп жатыр. Бұған дейін олар Триумфалдық арка мен парламент ғимаратының және Эйфель мұнарасының алдында трактормен шеру өткізді. Айтуларынша, жаңа келісім нәтижесінде Еуропаны оңтүстікамерикалық арзан тауарлар жаулап, жергілікті фермерлердің жағдайы қиындай түседі. Алайда Еурокомиссияның ойынша, қазір одаққа АҚШ пен Қытайға тәуелділіктен құтылу үшін жаңа нарық қажет болып отыр.