Трамп тарифіне қарамастан Қытай экспорттан рекорд орнатқан

АҚШ-тың тарифтеріне қарамастан Қытай экпорты 2025 жылды 1,2 триллион доллар профицитпен аяқтап отыр. Бұны бүгін Бейжіңде өткен баспасөз конференциясында осы елдің Кеден әкімшілігінің вице-министрі Ван Цзюнь мәлімдеді. Дегенмен оның сөзінше, Қытай үшін халықаралық саудада сыртқы орта әлі де күрделі болып тұр.

Айта кетсек, былтыр Құрама Штаттар билігіне Дональд Трамп оралып, дүниежүзі елдерінің тауарларына тарифті ондаған пайызға көтерді. Содан кейін қытайлық фирмалар америкалық баж салығынан келген шығынның орнын толтыру үшін саудадағы бағытын Оңтүстік-Шығыс Азияға, Африкаға, Латын Америкасына бұра бастаған.