Басты Жаңалықтар Таразда 9-сынып оқушысы сотталды

Таразда 9-сынып оқушысы сотталды

14.01.2026 17:00

Таразда мектеп дәретханасында қатарласын ұрып өлтірген 9-сынып оқушысы 7 жылға сотталды.

Сондай-ақ сотталушының заңды өкілдерінен жәбірленуші тараптың пайдасына 10 млн теңге моральдық зиян өндірілді. Үкім әзірге заңды күшіне енген жоқ.

Еске салайық, оқыс оқиға былтыр қыркүйекте №47 орта мектепте болды. Екінші сабақтан кейінгі үзіліс кезінде 9-сынып оқушылары мектеп әжетханасына жиналып, қатарласына жұдырық жұмсаған. Ауыр соққыдан жасөспірім жедел жәрдем келгенше көз жұмған болатын.

Дәурен Байназаров, облыстық кәмелетке толмағандардың істері жөніндегі мамандандырылған ауданаралық сотының судъясы:

Куәгердің айғақтарымен, сараптама қорытындыларымен өз дәлелін тапты. Қылмыстық Кодекстің 106-бабы, 3-бөлігімен кінәлі деп танылып, оған қылмыстық Кодекстің 81-бабы, 7-бөлігі негізінде, Қылмыстық Кодекстің 55 бабы, 2-бөлігі, 2-тармағы негізінде 6 жыл, 8 ай мерзімге бас бостандығынан айыру жазасы тағайындалды.

Автор

Данияр Әлімқұл

Бөлісу