Басты Жаңалықтар ЖИ-дің көмегімен қылмыс анықталды

ЖИ-дің көмегімен қылмыс анықталды

14.01.2026 17:03

Павлодарда жасанды интеллект 13 жастағы балаға жасалған зорлықты әшкереледі.

Оқиға психоневрологиялық ауытқуы бар балаларға арналған мамандандырылған орталықта болған. Күзетші аутизммен ауыратын жеткіншекке күш көрсеткен. Ақылды жүйе орталық қызметкерінің соққысын таспаға түсіріп, құқық қорғау органына белгі берген. Бұл прокуратура іске қосқан жасанды интеллект жүйесінің екінші рет қылмысты анықтауы. Бұған дейін балаға зорлық-зомбылық жасаған санитар жұмыстан қуылып, жазаланған еді.

Төребек Қалжан, облыс прокурорының аға көмекшісі:

Бейнебақылау камераларына адамдардың мінез құлқын бағалайтын және агрессия белгілерін анықтайтын жүйе енгізілген. Нәтижесінде 2025 жылдың 30 желтоқсанында жасанды инеллект облыстық психоневрология орталығында 13 жастағы баланы күзетшінің ұрып-соғу фактісін анықтады. Ол бойынша сотқа дейінгі тергеп-тексеру тіркеліп полиция тергеп жатыр. Жоба іске қосылғаннан бастап бұл балаларды ұрып-соғуды анықтаудың екінші жағдайы.

Автор

Болат Аманбаев

Бөлісу